Bya Wilberforce Kawere
Omusumba w’e Nakifuma mu Bulabirizi obw’e Mukono, Rev. David Kaggwa acoomedde abazadde abayingiza abayizi ababeera bagenda okukola ebigezo eby’akamalirizzo mu bikolwa eby’okweraguza n’ekigendererwa eky’okuyita obulungi ebigezo. Rev. Kaggwa agambye nti kino kikyamu era ekikontanira ddala n’ennono za Katonda.
Bino Omusumba abyogeredde ku ssomero ly’ekkanisa ya Uganda era eriyambibwako gavumenti erya Nakanyonyi S.S erisangibwa ku kyalo Nakanyonyi mu Nakifuma-Naggalama ttawuni kkanso bw’abadde akulembeddemu omukolo ogw’okusabira abayizi b’essomero lino aba S.4 ne S.6 abagenda okutuula ebigezo eby’amalirizo ebibindabinda, n’alabula abayizi obutetantala kuyingirira bikolwa eby’ekuusa ku kweraguza n’okubba ebigezo kuba bigenda kubaviirako okubikola obubi n’okuggwa.
Mother Mary Kevin Kearney: The Story Behind the Total Healing of Leprosy in Uganda
Omusumba Kaggwa agambye nti abaana bonna naddala abagenda okutuula ebigezo eby’akamalirizo beetaaga kusabira nnyo kuba bangi baawongebwa mu masitaani agabalemesa okusoma n’okukola ebigezo obulungi.
“Tulabyeko abaana abatuuka mu bigezo ne balwala okutuuka n’okulemrererwa okukola ebibuuzo. Abamu bakolayo empapula bbiri ne bafuna ebizibu eby’amaanyi nga n’abamu tuzze tuwulira abafa mu kiseera ky’ebibuuzo oba nga bali mu luwummula nga tebinnaddwa. Eno y’ensonga lwaki tukungaana ne tuwonga abaana bano mu mikono gya Katonda abakuume nga balamu bakole ebibuuzo byabwe bulungi nga tebafunye kusomoozebwa kwonna,” bw’ategeezezza.
Omusumba w’obusumba bw’e Kiyunga era capuleyini w’essomero lino, Rev. David Mukooza ayambalidde ba maama abasiiga ba taata ettoomi eri abaana nti tebatuukiriza buvunaanyizibwa naddala obw’okusasula ebisale n’ebyetaago by’amasomero n’agamba nti kino kikyamu era abakikola basaanidde okukikomya.
Students, Teachers Show Readiness as the New Curriculum-Based S.4 Exams Get Closer
Omukulu w’essomero lino, Amos Balongo atenderezza abazadde abawaddeyo ensimbi okuddaabiriza ebizimbe by’essomero lino ebibadde ganyegenya wamu n’okuzimba ebibiina ebirala abayizi mwe basomera.
Balongo ategeezezza nti bingi ebituukiddwako mu ssomero lino mu bbanga lya mwaka gumu gamba ng’okuzimba ekisenge abayizi mwe bakungaanira (main hall), okuddaabiriza ebizimbe 2 eby’essomero lino ebiwemmense obukadde bw’ensimbi za kuno obuwerako, okuzimba effumbiro ly’essomero ery’omulembe era nga basuubira n’okuddaabiriza n’ekizimbe ekitunudde mu wankaaki w’essomero.
Avoid Diverting Candidates with Home, Family Problems-Parents Cautioned
The post Rev. Kaggwa Alabudde Abayizi N’abasomesa ku Kubba Ebigezo N’okweraguza appeared first on Kyaggwe TV.