Bannamukono baweddeyo okwaniriza Pulezidenti wa NUP, Robert Kyagulanyi Ssentamu abadde mu kutalaaga disitulikti y’e Mukono olunaku lwaleero.
Bano Kyagulanyi abasiimye olw’obutamulekerera n’agamba nti kino kye bakoze wakati mu kulemesebwa poliisi ne bataggwamu maanyi kye kiruma Museveni n’okumuteeka ku bunkenke n’atuuka okusula ng’atunula olw’amaanyi g’abantu.
Kyagulanyi ategeezezza nti wadde poliisi yagezezzaako okubatataaganya n’ekyusa ebifo mwe babadde bagenda okukuba olukungaana lwabwe emirundi esatu okuva mu ppaaka ya takisi e Mukono ne badda mu kisaawe mu Njogezi nayo ne babaggyayo ne babasindika e Ntaawo ku kisaawe nga balowooza babasindise mu nsiko tebaafune bantu, Bannamukono bagiswazizza bwe bazze mu bungi okumulaga obuwagiziu.
The post Bannamukono Baweddeyo Okwaniriza Kyagulanyi-Akunze Bannayuganda Obutamelekera Situlago appeared first on Kyaggwe TV.